ANTOLATZAILE PROFESIONALA

"Desorden sentsazioak gainezka egiten zidan. Espazio guztiz desantolatua zen nire etxea eta behar ez nituen gauza piloaz betea. Maitanek nire etxea espazio garbi eta ordenatu batean eralduta du, egunerokatsuna errazten didan antolaketa sistema sortuz. Aldaketa hain da sakona, etxe ezberdin batean bizi naizela sentitzen dudala! Eskerrik asko Maitane!"

"Esperientzia erabat positiboa izan dugu. Laguntza eske deitu genion Maitaneri eta lagunduak sentitu gara. Etxea arindu eta gure egunerokoa benetan erraztu digu. Nahiz eta momentu batzuk errazak ez izan, bera alboan izanda dena atseginagoa egiten da. Eskerrik asko Maitane! Profesional aparta zara eta hori nabari da"

"Bulego berria antolatu behar genuen eta izugarri lagundu zigun Maitanek: altzarien erosketa, espazioen antolaketa... Nabari da eskarmentu handia duela lan horietan; eta oso erraza izan da berarekin elkarlanean aritzea, gainera. Gure nahiei entzunez, baina bere usteak argi azalduz, bulego benetan ederra gelditu zaigu. Horrela gustua ematen du lanera etortzeak!"

"Bidelagun bikaina. Gure espazio fisikoa eta gure burua antolatzen eta kudeatzen laguntzen dizu. Kanpotik hasita barruraino. Komunikatzaile ezin hobea"

"Gure esperientzia ezin hobea izan da. Gure proiektuarekiko lehen momentutik kooperazioa eta kolaborazioarako prest beti egon da Txukuntzen eta honek hainbat ate ireki dizkigu, bidelagun politak bilakatuz. Bere lana ikaragarri ondo egiteaz gain, Txukuntzen haratagoa doa, gizarte erantzukizuna bilatzen du modu aktiboan eta horrelako empresak geroz eta gehiago behar ditugu. Eskerik asko Maitane"

"Online tailerra oso interesgarria eta erabilgarria iruditu zait. Nere bizitzaren momentu honetan denboraz oso ondo ez banabil ere, oso argi dut etxeari aldaketa sakon bat eman nahi diodala eta bideo honek izugarri lagunduko nau. Mila esker Maitane zure aportazio guztiengatik"

"Zenbat gauza hain denbora gutxian.. Jakin plazerra izan dela zure gomendioak entzutea. Orain praktikara eraman behar. Bihar bertan jarriko naiz! Mila esker Maitane online tailer honengatik"

"Maitanek lagundu dit gauza askotaz konturatzen, esaterako: ordenak nire bizitza hobetu dezakeela, eta gauzak ordenatzeko denbora hartzea, gure ongizaterako inbertsio bat dela, eta ez denbora galtze bat. Bere zerbitzuak eskaini zizkidanetik interes handiz jarraitzen ditut bere aholkuak sare sozial eta hedabideetan. Eskerrik asko!"

"Maitane oso pertsona espeziala da. Konpromezu handia hartzen du bezeroa ondo ezagutu eta ordenarekiko transformatzearekin. Berarekin gustura sentitzen naiz. Etxea antolatua edukiko det, eta garrantzitsuena, barne aldaketa lortu det. Gainera, ikasi dudanarekin, ez zait kostako mantentzea. Izugarri pozik nago lortutakoarekin!"

"Zeinen ondo adierazi zigun Maitanek, Euskaltegiko ikasle zein irakasleoi, ordenaren garrantzia zenbaterainokoa den! Oso euskara txukunean, gainera! Eskerrik asko tailerragatik"

"Zenbat lagundu didan aholkularitza saioak! Bueltan gai zaharrei eutsi, dendan gustura egon eta bezeroei espazio txukun bat eskaintzeko hausnarketa tartea eskaini dit Maitanek. Oso motibatua nago aldaketak egiteko orain!"

"Etxe aldaketarekin batera, bizitzeko modua aldatu nahi nuen. PAKEA behar nuen. Zenbait gauza, gertaera eta objetu atzean utzi, eta modu sinpleago batean bizitzen hasi nahi nuen. Maitanekin prozesu hori gozatu egin det. Orain modu berri batean antolatu det etxea. Opari bat da alaba eta niretzat! Eskerrik asko Maitane"

"Gure esperientzia Maitanerekin oso positiboa izan da. Entzuten daki, eta bezeroaren nahi eta beharrak segituan ulertzen ditu. Bestearen lekuan jartzen da. Antolatua eta konstantea da, eta oso komunikatzaile ona. Konprimetitzen den hori betetzen du, horretarako beharrezkoa dena eginez. Guzti hori dena, jarrera positibo eta errealista mantenduz. Konfidantza eta profesionaltasuna eskaintzen du, eta horrek, berarekin dugun elkarlana zabaltzera eraman gaitu"

"Bihotzetik eta esperientziatik hitzegiten du Maitanek, eta horrek egiten ditu bere tailer eta aholkuak hain autentiko eta baliogarri. Gertuko giroa, jatorra sortzen du eta denbora ti-tau pasatzen da! Profesional itzela, pertsona hobea (topikoa, baina egia) Errepikatuko dugu!"

"Aspalditik jarraitzen dut Maitane sareetan, eta azkenean ausartu naiz berarekin kontaktuan jarri eta aholkularitza saio bat egitera. Piloa pozten naiz berarekin kontaktuan jarri izanaz! Nerekin guztiz asmatu du. Ni entzun, gauzak galdetu, eta nire beharrak bete-betean ikusi ditu. Eskaini didana ez da soilik aholkularitza, baita lasaitasuna eta baretasuna ere. Mila esker Maitane!"