Espazio antolaketa

Biontzako sukaldea

Sukaldearekin laguntza behar zuen bezeroa oraingoan. Jende askori gertatzen zaion moduan, etxean asko izatetik bi izatera moldatu behar. Bostentzako erostera ohituta egonda eta badaezpada ere bere lema izanik, izugarrizko pilaketaren aurrean aurkitu nintzen. Hau ikusita, lana bi egunetan banatu genuen.

Lehenengo egunean, garbigarrien txanda izan zen eta bera bertan harritu zen hainbeste ikustean. Haietariko asko familikoen artean banatzea erabaki zuen eta denbora askoan besterik ez erostea hitzeman zion bere buruari. Bigarren egunean, armairuak hustu, behar ez zuena baztertu eta zaharkituak zeuden jakiak zakarretara bota ondoren, egunerokoan errezago egingo zitzaion antolaketa egin genuen armairuetan.

  • COMPARTE: